Kuwa 23/9/2020 mu Karere ka Ngororero habaye ubugenzuzi ku bimaze gukorwa muri gahunda yo gukemura ibibazo bibangamiye imibereho myiza y’Abaturage( Human Security Issues)

Igikorwa kizamara iminsi 2, amatsinda atandukanye yagiye mu mirenge 6 ku buryo bukurikira:

Itsinda ryari riyobowe n’Umuyobozi w’Akarere Ka Ngororero ari kumwe n’Umuyobozi w’Inkeragutabara mu Karere ka Ngororero  n’Umuyobozi w’Ishami ry’Ubuzima bakoze ubugenzuzi mu murenge wa Muhanda

Umurenge wagaragaje muri make ibimaze gukorwa mu gukemura ibibazo bibangamiye imibereho myiza y’Abaturage.

Hagenzuwe ibyakozwe mu mpapuro harebwa Ko Task Force ya HSI ku rwego rw’umurenge  n’akagali zikora ndetse ko  umurenge ukora ubugenzuzi mu tugali hagamijwe gukemura ibibazo bibangamiye imibereho myiza y’Abaturage

Nyuma hasuwe amazu arimo kubakirwa imiryango 7 itaragiraga aho kuba mu Kagali ka  Nganzo umudugudu wa Gisunzu . 

Mu murenge wa Kabaya itsinda ryari riyobowe n'umuyobozi w'Akarere wungirije ushinzwe iterambere ry'ubukungu Bwana Uwihoreye Patrick ryarebye imikorere y'inama za task force, uko zisura ibikorwa bya HSI, n'uburyo zikusanya amakuru ku rwego rw'umurenge n'utugari, aho ibikorwa bigeze n'ingamba zo gukemura ibibazo bikigaragara muri HS.

Basanze Task forces ku murenge no ku tugari zikora neza zigakora na raporo, basabwe kunoza raporo zo gusura ibikorwa kuko zitangirwa kuri WhatsApp gusa, bagahuza na datas zijyanye n'imirire mibi ku buryo nta tandukaniro ku zavuye ku bigo nderabuzima n'izavuye ku tugari rigomba kubamo. Hasuwe kandi ibikorwa bitandukanye mu kagari ka Kabaya no mu mujyi wa Kabaya.

Itsinda ryarimo kandi umuyobozi w'ingabo mu turere twa Ngororero na Rutsiro Major Murigande Augustin  n'umukozi w'Akarere ushinzwe abafite ubumuga Ndayambaje Galois Vedaste. 

Itsinda ryari riyobowe n’Umuyobozi wa police mu karere Ka Ngororero ari kumwe n’Umukozi ushinzwe ubugenzuzi bw' inyubako  bakoze ubugenzuzi mu murenge wa Sovu,

Umurenge wagaragaje muri make ibimaze gukorwa mu gukemura ibibazo bibangamiye imibereho myiza y’abaturage.

Nyuma yo gusanga mu murenge wa Sovu baresheje imihigo wa HSI umwaka ushize; muri uyu mwaka nta target bahawe kuri human security issues ariko bakaba bari kugenzura ibindi bibazo bishobora kuba byabangamira imibereho myiza y' abaturage. Hasuwe amazu yubakiwe imwe mu miryango  mu kagali ka Birembo  umudugudu wa Mahembe n' uwa Muyange.

Itsinda riyobowe n' Umunyamabanga Nshyirwabikorwa wa karere Bwana ABIYINGOMA Gerard

 ari kumwe na Dasso Coordinator na ECD District focal Point ryakoreye ubugenzuzi mu murenge wa Muhororo. Hagenzuwe imikorere ya Human security Task force ku rwego rw'umurenge n'urw'akagari

Hasuwe kandi  imiryango yubakiwe amazu mu kagali ka Bweramana.

Mu murenge wa Ndaro itsinda ryari riyobowe na MANIRAHA Peter DHSO ryaganiriye na task forces za Human security issues ku rwego rw'Umurenge ndetse no ku rwego rw'Akagari. Hasuwe akagali ka Kabageshi harebwa ibimaze gukorwa. Muri rusange basanze hari ibyakozwe, batanga inama ko  ibitararangira byakorwa vuba.

Ubu bugenzuzi buje bukurikira inama yahuje Komite Nyobozi y'Akarere, inzego z'umutekano, abanyamabanga nshingwabikorwa b'imirenge, abayobozi b'ibitaro by'Akarere n'abayobozi b'amashami. Muri iyo nama umuyobozi w'Akarere Bwana NDAYAMBAJE Godefroid wayiyoboye yasabye inzego bireba kujya zihutisha raporo zigaragaza uko ibibazo bihagaze kandi ku buryo bunoze kugira ngo kubibonera ibisubizo byihute.

Ubugenzuzi bwakozwe hubahiriza amabawiriza yo kwirinda Covid-19.