Kuwa 27/12/2019  kuva  9h- 16 muri Salle ya Guest House y’Akarere habereye inama y’igihembwe ku bipimo by’imirire myiza
Inama yayobowe n'umuyobozi w'Akarere  wungirijye ushinzwe imibereho myiza yabaturage  Madamu Mukunduhirwe Benjamine  washimiye abayitabiriye  agaragaza ko ikibazo  cy'abana bafite  imirire mibi  n'igwingira gihangayikishije akarere asaba ko buri wese  aza gutanga ibitekerezo byafasha mu kurwanya imirire mibi
 

Ingingo zaganiriweho:
✅Kugaragaza uko ibipimo by’imirire bihagaze muri Zone y’ibitaro bya Muhororo na Kabaya

✅Kugaragaza uko gupima abana bari munsi  y’imyaka 5 bihagaze

✅Uko bapima igwingira ry’abana hakoreshejwe umusambi wabigenewe( Lenght mat)

Nyuma yo kungurana ibitekerezo   Ku ingingo zavuzwe hafashwe imyanzuro ikurikira:
✳Abana bari munsi y’imyaka 5 bose bagomba  gupimwa inzego zose zifatanyije kugirango hamenyekane hakiri kare abafite  imirire mibi n’igwingira  bityo banakirikiranwe hakiri kare

✳Gushyira imbaraga  mu gikoni cy’umudugudu ababyeyi bafite abana bari munsi y’Imyaka 5 bakakitabira
✳Kwigisha iby’ubuzima ( Kuboneza urubyaro, kurwanya imirire mibi, kwirinda indwara zandura n’izitandura,......)  mu nteko z’abaturage, umugoroba w’Ababyeyi, umuganda n'ahandi.

✳kwigisha ababyeyi muburyo buhoraho uburyo bwo gutegura indyo yuzuye
 
✳Kunoza imikorere n’imikoranire myiza hagati  y’ikigo nderabuzima n’umurenge
✳Gukurikirana imikoreshereze y’inyunganira mirire  ihabwa abana ( amata,Shisha Kibondo ,..,)
Gukomeza ubukanguramba buhoraho mu kwimakaza umuco w'isuku n'isukura mu rwego rwo  kurwanya imirire mibi n’indwara ziterwa n’umwanda
✳Gukora  ubukanguramba mu murenge wa Kavumu, Sovu,Muhanda  na Kageyo mu  buryo  bwihariye harebwa  impamvu iibipimo by’Imirire bihagaze nabi
✳Kwegera cyane  abantu bari mu kiciro cya 1  mu bukangurambaga aho bakorera imirimo ya VUP/PW
✳Gukurikirana umunsi ku umunsi imikorere y’Ingo mbonezamikurire mu Imidugudu aho ababyeyi  bazanye abana berekerwa uko bategura indyo yuzuye nibura 2 mu cyumweru
✳Abari mu inama biyemeje ko bagiye gukora iyo bwabaga kugirango hakumirwa ko hagira  abana bashya bagaragaraho imirire mibi. Gukora ibishoboka byose kugirango ababyeyi bafite abana bari mu nsi y’imyaka 5 ndetse n’abatwite begerwe bagirwe inama
✳Hemejwe ko imiryango ikomeza gukangurirwa gahunda  yo  kuboneza urubyaro 
✳Gukomeza gukangurira abaturage kwirinda amakimbirane aboneka mu imiryango kuko abana  bahazaharira bakagira imirire mibi n’igwingira.

Inama yitabiriwe:
- Abayobozi bakuru b’ibitaro bya Kabaya Na Muhororo
- Umuyobozi w’ishami ry’Ubuzima
- Abakozi bo mw'ishami ry’ubuzima
- Abakozi bashinzwe gukurikirana  ibikorwa by’ubuzima mu bitaro
-Abakozi bashinzwe ibikorwa by’Abajyanama b’Ubuzima mu ibitaro
- Ba Data Managers b’ibibitaro
- Abakozi bashinzwe imirire mu bitaro
- Abakozi bashinzwe FP mu ibitaro
-Abakozi bashinzwe gukurikirana indwara zitandura mu ibitaro
-Abakozi bashinzwe gukurikirana Indwara ya Hepatite mu Ibitaro
-Abayobozi b’Ibigo Nderabuzima
- AbaKozi bashinzwe imibereho myiza mu imirenge
- Abakozi bashinzwe gukurikirana Abajyanama b’Ubuzima mu imirenge
- Abakozi bashinzwe imirire mu Ibigo nderabuzima

Umuyobozi w’Akarere wungirije ushinzwe imibereho myiza y’abaturage yazoje inama asaba buri wese gushyira mu bikorwa Imyanzuro yafashwe; anabifuriza gusoza neza Umwaka wa 2019 no gutangira neza umwaka wa 2020