HINDIRO

Mu Murenge wa HINDIRO habaye igikorwa cyo gufungura ku mugaragaro icyumba cy'ishuri ry'inshuke cyubatswe kuri CS GITEGA no gutangiza umurima shuri wa Kawa mu Mudugudu wa Nyagasozi, Akagari ka GATARE.

Iki cyumba cyubatswe na ILLY CAFE ari nayo yaguze uyu murima ungana na 0,7ha uri gukorerwamo na Koperative y'abagore 40 mu rwego rwo kubigisha guhinga neza Kawa no kubitoza abandi bahinzi bo mu Murenge wa HINDIRO hagamijwe kongera umusaruro mu bwinshi no mu bwiza.

Muri iki gikorwa, ILLY CAFE ikorera mu gihugu cy'Ubusuwisi ikaba ishinzwe kugura Kawa ku isi, yari ihagarariwe na STEFANO SCANFERA.

Yari aherekejwe na ADRIEN MAHY, Managing Director wa SUCAFINA ARABICA muri Africa ikorera i Geneve mu Busuwisi, MAX VEGLIA, Managing Director wa RWACOF mu Rwanda na NZEYIMANA Alexandre, Manager wa KAHAWATU mu rwego rw'igihugu.

Ubuyobozi bw'Akarere bwari buhagarariwe na Mr NTAZINDA Rongin, Umuyobozi w'ishami ry'ubuhinzi n'umutungo kamere mu Karere, yashimiye aba bafatanyabikirwa anashishikariza abahinzi ba Kawa kurushaho kongera umusaruro kuko isoko rirahari.

Aba bose bakiriwe na TUYIZERE Anastase, Ag. ES Hindiro Sector ari kumwe na Mme INGABIRE M Chantal, Prezidante w'Inama njyanama y'Umurenge.

Ibi bikorwa byateguwe i Hindiro bitewe n'uko muri 2018, Kawa y yabaye iya mbere ku isi.

NGORORERO (AKARERE)

Intumwa ya Minaloc Uwingeneye Consolée ari mu Karere ka Ngororero. mu gihe cy'iminsi 2. Azasuzuma aho imihigo y'Akarere igeze yeswa. Iki gikorwa kirareba amashami (unités)yose. Umuhango wo kugitangiza wayobowe na vm FED Bwana Uwihoreye Patrick ari kumwe na mugenzi we VmASOC Madame Mukunduhirwe Benjamine.

NGORORERO (UMURENGE)

 Mu cyumba cy'inama cy 'Akarere  habereye inama igamije kongera isuku muri centre z'ubucuruzi z'akarere ka Ngororero mu mirenge by'umwihariko mu mirenge ya Ngororero, Hindiro, Sovu, kabaya, Muhororo na Gatumba. Inama yayobowe na  Vm  FED Bwana  Patrick UWIHOREYE . Hari abanyamabanga nshingwabikorwa b'imirenge yavuzwe hejuru n'utugari tuyigize n'abahagarariye PSF  muri centre zikomeye z'akarere ka Ngororero. Imyanzuro yafashwe ni ukunoza isuku bidatinze muri centres zose by'umwihariko ahakoreshwa n'abantu benshi nko mu tubari, resitora n'ibikoni byazo, amasoko, ubwiherero, imihanda.

Mu rwego rwa Community Policing habaye Umukino wa  Volleyball  wahuje Ikipe ya Police ( DPU Ngororero ) na OMEGA Team (Ikipe y'Urubyiruko rutuye mu murenge wa Ngororero)

Umukino warangiye ari amaseti 03 ya OMEGA team kuri seti 1 ya Police.

Mbere yuko umukino utangira urubyiruko rwahawe ubutumwa bukurikira :

✅Uruhare rw'Umuturage mu gukumira ibyaha bitaraba

✅Kurwanya icuruzwa n'ikoreshwa ry'ibibiyobyabwe

✅Kurwanya inda z'imburagihe ziterwa Abangavu

✅Uruhare rw'ubukorerabushake mw'iterambere ry'Igihugu

✅Gerayo amahoro

Ibiganiro byatanzwe na SP Alphonse MAYINGA DPC Ngororero
Urubyiruko rwakanguriwe kujya rutangira amakuru ku gihe

KABAYA

Mu murenge wa Kabaya muri Transit center ya K Vce Mayor Asoc Madame Mukunduhirwe Benjamine ari kumwe na DPC Alphonse MAYINGA basuye abagororerwa muri icyo kugo.  Babaganirije ku kubumbatira umutekano  no kugira umuco w’isuku mu rwego rwo kwirinda indwara ziterwa n’umwanda. Banakiriye ibibazo byabo  bihabwa umurongo .

NYANGE

Mu murenge wa Nyange habereye igikorwa cy'amahugurwa y'isanamitima yatanzwe na Good News Church. Pasteurr Ben n'itsinda ry'abadage 16 bahuguye abacitse ku icumu rya jenoside yakorewe abatutsi 1994. Uyu muhango witabiriwe na Es sector hamwe na President wa Ibuka Nyange Rwamasirabo Aloys, nyuma basuye urwibutso rwa jenoside yakorewe abatutsi.

IMIRENGE YOSE

Umuganda ngarukagihembwe rw'urubyiruko wabereye mu mirenge yose.  Waranzwe n'ibikorwa byo kugoboka abatishoboye babafasha kugira aho kuba heza, gutunganya imihanda. Nyuma y'umuganda habayeho ibiganiro byerekeza ku butwari ku insanganyamatsiko "Ubutwari mu banyarwanda, agaciro kacu" Vm FED Bwana Uwihoreye Patrick yifatanije n'urubyiruko rw'umurenge wa Matyazo