Kuri uyu wa 14/11/2019 mu cyumba cy'inama cy'Akarere habaye inama ku bukangurambaga bwo gushyigikira ikigega Agaciro Development Fund (ADF)
Umuyobozi w'akarere Bwana Ndayambaje Godefroid watangije iyi nama yasabye abayitabiriye  kuba intumwa nziza kandi bakaba n'abambere mu gutuma gahunda z'Agaciro Development Fund zitera imbere.
Umukozi w'ikigega Agaciro Ntabana Jean Bosco yatanze ikiganiro ku mavu n'amavuko yacyo , uburyo igitekerezo cyo kugishinga cyavuye mu nama y'igihugu y'umushyikirano ku nshuro yayo ya 11.
Intego yacyo ikaba kwigira, gutuma ubuzima bw'iguhugu budahungabana igihe cy'amage, guteganyiriza u Rwanda rw'ejo rwubashywe mu ruhando rw'amahanga.

                                           Abitabiriye inama bashyigikiye ADF
Icyerekezo ni uko iki kigega kigomba gukomera ku buryo cyakemura ibibibazo bitunguranye haba mu bukungu n'imibereho myiza y'abaturage hadategerejwe inkunga z'amahanga.
Abitabiriye inama bibukijwe ko gutanga umusanzu mu gaciro atari itegeko ahubwo ari inshingano ku munyarwanda ukunda igihugu.
Kw'ikubitiro cyatangiranye agera kuri miliyari 18,5 ubu kikaba gifite izisaga miliyari 195. Kiguriza amabanki ari naho gikura gutera imbere kwacyo.
Inama yitabiriwe n 'abikorera, amabanki, inganda, amakoperative.
Aba bose bavuze ko bumva neza impamvu z' iki kigega kandi ko bazakomeza gukangurira abo bahagarariye kugishyigikira buri wese uko ashoboye.