Itsinda ry'abasenateri bo muri Komisiyo ya Politiki n'Imiyoborere riyobowe na Hon. Senateri  Gasana Alfred bari mu Karere ka Ngororero aho baje kureba
uko abaturage bafashwa kubona serivisi z'ubufasha mu by'amategeko, uburyo  Umurenge uhuza  abaturage n'abatanga serivisi z'ubufasha mu by'amategeko, uko abaturage batishoboye babona ubufasha bw'izi servisi,  imikorere  y'abunzi n'imbogamuzi bahura nazo, imanza zarangijwe n'izitararangijwe  zahawe abahesha b'inkiko batari ab'umwuga n'imbogamizi bahura nazo, uko ubuyobozi bw'umurenge bukorana  n'abatanga serivisi z'ubufasha mu by'amategeko, imbogamizi ziboneka n'uburyo zibonerwa ibisubizo.
Basuye Isange One Stop Center yo mu bitaro bya Muhororo bareba uburyo abakozi n'ababagana basobanukiwe n'ubufasha mu bijyanye n'amategeko
nta kiguzi kandi ku buryo bwihuse. Basobanuje uburyo abahohotewe bishingiye ku gitsina bahabwa serivisi z'ubufasha mu by'amategeko;
niba abaturage basobanukiwe n' izi serivisi no kuzitandukanya n'inkiko zisanzwe. Hon Senateri Gasana"
Ni ngombwa kwihutira gufasha umuturage guhabwa serivisi z'ubufasha mu by'amategeko atari yatekereza kujya mu nkiko; kureba ukuri kw'ibiriho niba hari ibigomba kunozwa bikanozwa."
Inama yitabiriwe n'abunzi, abakozi ba MAJ, inzego z'umutekano, abakozi b'umurenge n'Abanyamabanga Nshingwabikorwa b'utugari.
Kuri iki gicamunsi cyo kuwa 12 Gashyantare abasenateri Gasana Alfred na Bideri John Bonds bagiranye kiganiro kirambuye n'abaturage b'Akagari ka Kamasiga mu murenge wa Gatumba. Bbaganariye kuri gahunda ya "Gana Ubutabera." Basabye ubuyobozi kuyicengeza mu baturage bakayisobanukirwa bityo bagahabwa ubutabera bunoze, buhendutse kandi bwihuse.
Banaganiriye ku mbogamizi abaturage bahura nazo igihe bashaka serivisi  mu bufasha mu by'amategeko zirimo gutinda kurangiza imanza.
Nyuma abaturage bahawe umwanya wo gutanga ibitekerezo, ibyifuzo n'ibibazo byose byahawe umurongo.