Nyuma y'uruzinduko bagiriye  mu murenge wa Gatumba ku munsi w'ejo, uyu munsi ba Hons. Senateri Gasana Alfred na Bideri John Bonds  basuye urwego rwa MAJ (Maison d'Acces à la Justice) ku Karere. 
Baganiriye ku mikorere n'imikoranire y'uru rwego,  iy'Abunzi mediation committee, iya  Komite Mpuzabikorwa y'Urwego rw'Ubutabera  (Justice Reconciliation Law and Order Sector =JRLOS).
Banaganiriye k'uburyo abunzi bahuguwe kuri gahunda ya "Gana Ubutabera" ifasha abaturage gukemura ibibazo/amakimbirane batisunze inkiko (Alternative Discussion Resolution = ADR).
Umusaruro wavuye mu kwegereza abaturage  serivisi z'ubutabera zinoze  binyuze muri MAJ:
- umubare w'abaturage bagirira MAJ icyizere wariyongereye.
Imbogamizi zikiboneka: ikoranabuhanga ritarakoreshwa n'abaturage bose kubera impuzamiyoboro y'itumanaho (réseau internet) n'amashanyarazi bitaragera hose.
Mu mwaka ushize 2024-2025 umubare w'abaturage biyambaje urwego rwa MAJ ni 1564 (gabo, gore); 180 nibo biyambaje Isange One Stop Center mu Karere ka Ngororero.   Asoza iyi nama,. Senateri Gasana yagize ati:
"Dufashe abaturage kuzamura imyumvire mu kunyurwa n'ibyemezo by'inkiko kuko usanga umubare munini w'abasiragira bashaka ubufasha mu by'amategeko ibibazo byabo biba byarafatiwe imyanzuro mu nkiko. Ikindi tubafashe gushyira imbaraga mu kwikemurira ibibazo batisunze inkiko kuko bibatesha umwanya munini bagakoresheje biteza imbere. "
Inama yitabiriwe n'abagize JRLOS.
. ku buryo bukurikira:
- Uhagarariye National Public Prosecution Authority (NPPA) akaba na Perezida w’Inama;
- Uhagarariye Minisiteri y’Ubutabera (MAJ) akaba Umunyamabanga wayo;
- Babiri bahagarariye Imiryango itari iya Leta (NGOs) ikora mu bijyanye n’ubutabera, ubwiyunge n’uburenganzira bwa muntu mu Karere, umwe muri bo ni Visi Perezida;
- Uhagarariye Polisi y’u Rwanda (RNP);
- Uhagarariye Urwego rw’Igihugu rushinzwe Igorora (RCS);
- Uhagarariye Urwego rw’Igihugu rushinzwe Ubugenzacyaha (RIB);
- Uhagarariye Urugaga rw’Abavoka; 
- Uhagarariye Urugaga rw’Abahesha b’Inkiko b’Umwuga;
- Babiri bahagarariye  Ubuyobozi bw’Akarere bashinzwe ibijyanye n’amategeko, ubutabera n’imiyoborere.
Bakiriwe n'Umuyobozi w'Akarere Bwana Nkusi Christophe ari kumwe n’abandi bagize Komite Nyobozi y'Akarere n"abayobozi b'Inzego z'Umutekano zikorera mu Karere.