Ni umwe mu myanzuro yafatiwe mu nama ku kurwanya imirire mibi mu bana yateranye kuri uyu wa 10/09/2020.

Ibyari ku murongo w’ibyigwa:

- Uko  ibipimo by'imirire bihagaze muri zone y'ibitaro bya Kabaya na Muhororo
-Kugaragariza abitabiriye inama ibyavuye mu bugenzuzi bwakonzwe n'abakozi bo mw'ishami ry'ubuzima
- Imitangire n'imicungire y'inyunganiramirire mu bigo nderabuzima
- Imihigo yo mw'ishami ry'ubuzima
-Kwirinda icyorezo cya Koronavirusi

Nyuma yo kungurana ibitekerezo bitandukanye  ku ngingo zavuzwe haruguru, hafashwe imyanzuro ikurikira:

Abitabiriye inama bemeye ko bakomeza  gukurikirana abana  212 ubu bafite imirire mibi bitarenze kwa 31/12/2020 bakaba bakize

 Abitabiriye Inama bemeye ko  abana bose bari munsi y'imyaka 5 bazajya bapimwa ntawe ucikanywe

 Mu rwego rwo gukumira imirire mibi n’igwingira, hemejwe ko Abajyanama b’Ubuzima bazarushaho gusobanurirwa inshingano zabo mu kwita ku minsi 1000 y'ubuzima bw'umwana
 Hemejwe ko  bazakurikirana   abaturage bafata  inyunganira mirire (shisha kibondo, amata na ongera) kugirango harebwe ko batazigurisha.

 Gukomeza gukurikirana ko ibikoresho byatanzwe muri HBECD n'umushinga wa SPRP (Stunting Prevention and Reduction Project) bikoreshwa neza icyo byagenewe

Hemejwe Ko abana bose 212 bafite imirire mibi bakurikiranwa iminsi 12 n’ibitaro hamwe n’ibigonderabuzima nderabuzima
Hemejwe Ko igikoni cy’umudugudu gikora hubahirijwe amabwiriza yo kwirinda Koronavirusi
Ibigo nderabuzima byasabwe nabyo kugira imirima y’igikoni izabafasha kwerekera ababyeyi bafite abana bari munsi y’Imyaka 5 uko bategura indyo yuzuye
Abitabiriye inama biyemeje kurushaho gukangurira abaturage kugira isuku; basabwe gukora cyane kugirango imihigo basobanuriwe yeswe; basobanuriwe igenzura  rikomatanyije rizakorwa  na MINALOC, NECDP , RBC  na MIGEPROF kuva kuwa 14/09/2020 kugeza kuwa 18/09/2020, basabwa gukomeza kwitegura neza; basabwe gukomeza gufatanya mu gukumira ikwirakwizwa ry’icyorezo cya Koronavirusi  no kugenzura ko amabwiriza yashyizweho yubahirizwa.
Inama yitabiriwe n’abakozi baturutse mu mu bitaro , mu bigo nderabuzima ndetse no mu mirenge;yafunguwe kandi iyoborwa n' umuyobozi w'ishami ry'ubuzima Madamu MUKAMANA Soline wari uhagarariye ubuyobozi bw’Akarere.