Umuyobozi w'Akarere wungirije ushinzwe imibereho myiza y'abaturage @MukunduhirweBe ari kumwe n'intumwa z'Ikigo cy'Igihugu gishinzwe Uburezi  ziyobowe n'Umuyobozi Mukuru wungirije wa REB Madamu Dr Flora Mutezigaju yayoboye inama yahuje abayobozi b'amashuli  abanza n'ayisumbuye kuri Programu yo kwigisha/guhugura abalimu ku rurimi rw'icyongereza. (English LanguageTraining Program.)
Nk'uko byavuzwe na Dr Mutezigaju,
Impamvu y'amahugurwa y'icyongereza ku balimu ziri ukwinshi:
Mu bihugu 195 bigize isi 65 bikoresha ururimi rw'icyongerza mu myigire n'imyigishirize 
Mu bihugu 54 bigize Afurika 24 bikoresha ururimi rw'icyongereza mu myigire n'imyigishirize naho mu karere u Rwanda ruherereyemo ururimi rw'icyongereza rurakireshwa cyane mu mashuli.

Dr Mutezigaju: "Kugirango tugire u Rwanda twifuza,  rutuwe n'abantu bashoboye gupiganwa ku isoko ry'umurimo ku rwego rw'isi; umunyeshuli agomba kumenya neza ururimi rw'icyongereza, umwalimu we bikaba akarusho." Aha yasabye  abalimu kugira inyota, umuhate n'ubushake bwo kumenya neza icyongereza.

Ngororero ihagaze ite muri uru rwego? Akarere ka Ngororero gafite abalimu 1,284 muri bo 93% binjiye muri gahunda yo kwiga. Muri bo 83 ntibaratangira. Ngororero iri ku mwanya wa 2 mu Ntara y'Iburengerazuba no ku mwanya wa 4 ku rwego rw'Igihugu. 
Icyakorwa kugirango gahunda irusheho kunoga:
- Abayobozi b'amashuli basabwe kurushaho gukurikirana uburyo abalimu bakurikirana amasomo mu gihe cy'amezi 12. 
- Abalimu basabwe kwigana umurava kuko amasomo narangira abazabona amanota mabi bazasezererwa mu kazi.