Umunsi mpuzamahanga w'abafite ubumuga wizihirijwe mu murenge wa Ndaro mu kagali ka  Bijyojyo. Insanganyamatsiko iragira iti: "Ejo hazira inzitizi ku bantu bafite ubumuga.

Waranzwe n' ibiganiro, imbyino n'imivugo n'amakinamico byerekezaga ku burenganzira bw'abafite ubumuga. By'umwihariko intumwa ya komisiyo y'igihugu y'uburenganzira bwa muntu  Mukabatsinda Christine yashimangiye ko  abafite ubumuga ko bafite uburenganzira busesuye mu bice byose by 'ubuzima bw'igihugu nta numwe uhejwe. Yibukije buri wese ko ufite ubumuga azira kwigizwayo ko ahubwo akwiye kwitabwaho by'umwihariko.

Uwafashe ijambo mu mwanya w'abafte ubumuga Hakijziimana Leonard  yashimiye Leta y'u Rwanda uburyo ibitaho, ko bahagarariwe mu nzego z'ubuyobozi kandi ko bagenerwa ingengo y'imari yo kubasha mw'itrembere. Yashimiye abafatanyabikrwa nka NUDOR ,THT
NECPD ,  Hope and  Home for the Children n'abandi.  Iyi Hope & Hime for the Children yatanze inkunga ya  2,800,000 frws. Bwana Hakizimana yanavuze ku nzitizi nk'ababyeyi bagihisha abana bafite ubumuga. Abana bafite ubumuga bwo  kutabona, kutumva ,  kutavuga bakeneye uburezi bwihariye. Inyunganirangngo n'insimburangingo biracyakenewe na benshi.

Umushyitsi mukuru yari umuyobozi w'Akarere wungirije ushinzwe imibereho myiza y'abaturage Madame Mukunduhirwe Benjamine. Yasezeranije abafite ubumuga ko ubuyobozi bw' Akarere buzabahora hafi mw'iterambere kandi ko  buzakomeza kwesa umuhigo wo kubunganira mu byo bakeneye. Yongeye kubashishikariza kwibumbira mu makoperative bwo buryo bwo kugera kw'iterambere ryihuse.

Mu karere ka Ngororero harabarurwa abafte ubumuga bagera ku 7300.