Mu nama bagiranye n'umuyobozi w'Akarere Bwana Ndayambaje Godefroid abagize urwego rwa Dasso ( District Administrative Security Support Organ) kuri uyu gatatu tariki ya 29/07/2020 basabwe kwitwararika kuri discipline. Bamwe muribo bagiye bagaragaraho imyitwarire ihabanye n'akazi bagiye basezererwa.

Ku bijyanye na discipline kandi abitabiriye inama bagaragarijwe ibikwiye kubaranga  bibutswa ko bakwiye kubaha abaturage bakemura ibibazo byabo, kubafasha mu guhiga no guhigura imihigo kandi bakigirira ikizere. basobanuriwe ko bagomba kwitwararika mu akazi, bakirinda kwakira ruswa, ubujura, gukubita abaturage, kwiyandarika kandi bagakora kinyamwuga umurimo bashinzwe.

Ku bijyanye n’imikorere nimikoranire nizindi nzego, bibukijwe gutangira amakuru ku gihe, gutanga raporo ku banyabyaha, gufatanya na police mu bikorwa bya DASSO bya buri munsi, gufasha abaturage gukemura ibibazo bafite, gufatanya n’izindi nzego mu gukemura ibibazo bibangamiye imibereho myiza yabo ( Human Security Issues).

Banasobanuriwe ku bijyanye no kwizigamira muri gahunda ya EJO HEZA  

Kubijyanye no kwizigama kandi hari ikimina cyiswe Twigire DASSO Ngororero (T-DANGO) bigaragara ko kidakora neza ku mpamvu z’uko habayeho  kugurizanya ariko abanyamuryango ntibishyure uko bikwiriye.

Hemejwe ko abafite imyenda mu kimina cya T-DANGO bagomba kwisyura bitarenze 10/8/2020 agashyirwa kuri konti ya T-DANGO.

Hemejwe ko hategurwa aba Dasso bayobora abandi mu ma zones bakazakora inama kubijyanye no kwizigama bakemeza umugabane shingiro,bazajya bakatwa ku mushahara.

Kwirinda icyorezo cya COVID-19: abitabiriye inama basobanuriwe ikibazo cya  aho iki cyorezo  kigeze bityo hakaba hakwiye gukaza ingamba zijyanye no kugikumira, hongerwa ubukangurambaga mu baturage, basobanurirwa uko cyirindwa, kurushaho kubungabunga isuku no kurushaho gukurikiza amabwiriza yatanzwe leta.

Biyemeje kunoza umurimo bakora, kuba intangarugero no gukorana beza n'abandi.

Uretse kunganira urwego rwa police mu gucunga umutekano urwego rwa Dasso rugira uruhare mu bukangurambaga butandukanye burimo kwishyura ubwisungane mu kwivuza, gukumira no kwirinda ikwirakwira rya Coronavirus, gufatanya n'inzego z'ibanze gukemura ibibazo bibangamiye imibereho myiza y'abaturage, gukumira ihohoterwa rikorerwa mu ngo, n'irikorerwa abana n'abagore, kurwanya ruswa n'akarengane, gukurikirana iyubahirizwa rya gahunda za Leta.

Mu karere ka Ngororero harabarurwa aba dasso 59.