Kuwa 12/12/2019 kuri Blue House y'Akarere ka Ngororero hateraniye inama ku IGENAMIGAMBI RY'AKARERE yibanze ku guhuza ibitekerezo byatanzwe n'abaturage binyuze mu makarita nsuzumamikorere bakoreye mu Nteko z'utugari kubyo bifuza ko byajya muri iryo genamigambi rya 2020-2021. Iyi nama yateguwe n'Imiryango ADI TERIMBERE naTUBIBE AMAHORO binyuze mu mushinga PPIMA uterwa inkunga na NPA.

Muri rusange ibitekerezo byatanzwe n'abaturage hirya no hino mu karere byaganishaga ku bikorwa remezo, itumanaho ryifashisha murandasi mu tugari, amwe mu mashuli ashaje n'agomba gusanwa, amashuli y'imyuga akiri make, serivisi zitanoze mu bigo nderabuzima bimwe na bimwe kubera abakozi bake cyangwa ukutita ku baje babagana, ibyiciro by'ubudehe bigomba kunozwa, imisoro iremereye kuri bamwe mu batuye icyaro ngo hari n'utugari tutarabona ibiro byo gutangiramo serivisi.

Ibi bitekerezo bayatanzwe n'abaturage hifashishijwe amakarita nsuzumamikorere iriya miryango yavuzwe hejuru yasanze ibihuriyeho n'akarere kuko nako kabifite mw'igenamigambi.

  umunyamabanga nshingwabikorwa wa Adi Terimbere Bavukiyiki Matthieu yifuje ko buri mwaka abaturage bajya batanga ibitekerezo ku igenamigambi kuko ngo  nta ngengo y'imari icyo gikorwa cyasaba.  Maurice Ndayambaje wa Tubibe Amahoro nawe yavuze ko ijwi ry'umuturage n'uruhare rwe bigomba guhra bigaragara mw'igenamigambi. Umuyobozi w'ishami ry'igenamigambi, ikurikiranabikorwa n'isuzuma mw'izina ry'ubuyobozi bw'Akarere yashimiye abafatanyabikorwa ku ruhare rwabo mw'iterambere ry'abaturage.

Inama yitabiriwe n'umuyobozi w'Akarere wungirije ushinzwe ubukungu Bawana Uwihoreye Patrick, intumwa za Adi terimbere na Tubibe Amahoro, abanyamabanga nshingwabikorwa b'imirenge, imboni z'imiyoborere myiza mu tugari  n'abayobozi b'amashami ku karere.

Imirimo y'inama n'ibitekerezo byahise kuri radiyo ISANGANO na radio ISHINGIRO.
Radio ISHINGIRO ivugira ku 107.5 naho ISANGANO ikavugira kuri 89.4